عدد الرسائل : 175 العمر : 31 العمل/الترفيه : طالبه ثانوي/السباحه المزاج : هادئه تاريخ التسجيل : 10/06/2008
موضوع: الفرق بين الطفل البيئة والطفل الهاى كلاس الجمعة يناير 23, 2009 1:00 am
الطفل الفافي) و (الهاي لايف) ............................. 1-
الولد من دول يصحى على صوت الكناري اللي في اوضته .... - سو سو سو سو .... - _________ 2-يدخل الحمام ياخد شاور .... ويغسل شعره بشامبو من ايطاليا .... ويحط جيل بالمرز من فرنسا ويغسل سنانه بمعجون سيجنال تو ..... - بيتفرج على الام بي سي كتيييييييييييير - _________ 3- يطلع من الحمام يلاقي الداده مستنياه بفوطه من حريييييير .... وتلاعبه وتهزر معاه بالانجليزي .... - الداده معاها دكتوراه من جامعة اسفخص في لندن - _________ 4-يخش على اوضته ... ويفتح الدولاب ويطلع منه هدومه المكويه واللي ريحة اريال باينه فيها ..... - اريال .... نسيم الصباح - __________ 5- يجيب جزمته من الجزامه ... اللي مليانه جزم وكوتشيهات ... وسبوووز ..... - تقولش دخلت محل لطفي أو توكيل تمبرلاند - __________ 6- ينزل يفطر مع مامي ودادي ... والفطار كورن فليكس بطعم الستروبوري او الشوكولات .... - كورن فيليكس كلووقز .. مش بسكو مصر - __________ 7- يسلم على مامي ويبوسها بعد ماتكون حطتله ديناربوكس بتاعه وفيه .... ساندوتشين اتشكن ناجتس و كيس شيبسي و عصير جهينه او ايزي موزوو - ايزي مووزو فاكرين الاعلان ده ؟؟؟ - __________ 8- يسلم على دادي اللي يديله البوكيت موني بالدولار ..... مش يعرفو حاجه اسمها جنيه طبعا - جنيه ؟؟؟؟ دي عملة انكردت من زمااان - __________ 9- يطلع من البيت بعد الداده ماتلبسه الشنطه بتاعة الكتب على ضهره .. - بنشوف الشنطه دي مع الخواجات في شرم وبس - __________ 10- يركب الباس بتاع السكول .... ويشاور (باي باي) للداده ولمامي ... ويركب مع زمايله ويغنو بالانجليش او الفرينش ..... - فريرو جاكو .... فريرو جاكو ... هايللبّووه - ( الطفل البييييئه ) ................... 1-
دييييييييب .... اخوه رمى عليه طوبه عشان بقاله ساعتين بيصحي فيه ... وهو ولا هنا ... - طبعا .. مقضيها صرمحه في الشارع للفجر - >>>>>>>>>>>>>>>>>>>>>>>>>>>>>>>>>>>>>>>> 2- العيال دي ماتعرفش اختراع اسمه (غسيل الوش بعد ما تقوم من النوم) .... هم شوية خناق مع اخواته ويبقى صحصح على الآآآآآآآخر .... - بدل تمارين الصباح ... رياضه برضه - >>>>>>>>>>>>>>>>>>>>>>>>>>>>>>>>>>>>>>>> 3- طبعا بعد الخناق ده بيبقى جعان ... تلاقيه بيحوم في الشقه ويدوّر في المطبخ على اي حاجه ..... انشالله صرصار .. برضه هاياكله من الجوع - عشان كده ماتلاقيش في بيتهم صراصير - >>>>>>>>>>>>>>>>>>>>>>>>>>>>>>>>>>>>>>>> 4- بعد ما يحط في بطنه اي حاجه في رغيف ... يدور على اي حاجه يلبسها .... القميص مرمي تحت السرير ... ويقلع اخوه الصغير البنطلون بتاعه وهو نايم ... - هدومه كلها مكرمشه ... تقولوش طالعه من بق كلب - >>>>>>>>>>>>>>>>>>>>>>>>>>>>>>>>>>>>>>>> 5- طب وبعدين .... ساعتين بيدور على الجزمه ... مش عارف رزعها فين ... واخوه الكبير خارج من البيت حافي كمان عشان مايقولش انه خدها ... افتكر اخيرا انه حاطط فرده منهم فوق الدولاب .... والتانيه ... تحت التلاجه - طبعا ما يعرفش اختراع اسمه الشرابات - >>>>>>>>>>>>>>>>>>>>>>>>>>>>>>>>>>>>>>>> 6- دلوقتي معاد حرب كل يوم .. : ماما ... انا عايز مصروفي : مصروف ايه ياااااض ... انت مش واخد امبارح .. ولا كل يوم مصروف مصروف : يعني مافيش اي حاجه ؟؟؟ : في دي ..... دييييب ... - ضربة بالحله على نافوخه - >>>>>>>>>>>>>>>>>>>>>>>>>>>>>>>>>>>>>>>> 7- الباشمهندس الصغير .... مايعرفش فين كتبه ولا كشاكيله اصلا .... عشان كده ... خد اي كتاب موجود في البيت على اي كشكول .... - مايعرفش يعني ايه قلم .... غير اللي بياخده على قفاااه - >>>>>>>>>>>>>>>>>>>>>>>>>>>>>>>>>>>>>>>> 8- هايروح مدرسته ازاي ؟؟؟ طبعا اي ميكروباز او عربيه نقل وقضيها شعبطه .... - ليااااااااااااااااااااااااااااقة - >>>>>>>>>>>>>>>>>>>>>>>>>>>>>>>>>>>>>>>> ============ في طابور المدرسه .... ============== ================= *الطفل الفافي (الهاف لايف) : 1- العيال كلهم واقفين في صفوف شكلها يفرح .. ده غير ريحتهم اللي زي الفل - نضافه رباااااااااني - ======================================= 2- الطابور كله تمارين ونشاط .... - على انغام الدي جي (ياسر شاكر) - ======================================= 3- الاذاعه المدرسيه .... اخبار من مجلات (واشنطون بوست) - وطبعا .... مافيش ترجمه - ======================================= 4- يغنو النشيد الوطني بقيادة المايسترو (سليم سحاب) - (حسن كامي) ... كان بيغنيه معاهم قبل ما ربنا يفتح عليه - ======================================= 5- طالعين فصولهم وكأنهم ملايكه أو فراشات ... وبحماس ونظاااام - تقريبا ... والله أعلم ... بيحبو مدرستهم .... سبحان الله - ======================================= *الطفل البيئه : 1-
داخل المدرسه متأخر وحالته نيله - اتشعبط في مكروباز (شبرا) ... ومدرسته اصلا في (الحلميه) - ************************************************** **** 2- بعد التذنيب والشتيمه من مدرس الألعاب (حسن أبو شفه) ... انضم لباقي زمايله في المعتقل ... سوري ... زمايله في المدرسه - ولا واحد منهم فاهم هو فين أصلا ... واتضح ان صاحبنا أكتر واحد شيييك فيهم - ************************************************** **** 3- الأثاحه الملثيه .....----> تحريف لكلمة (الاذاعة المدرسيه) ... - تخيلو انتو باقي الأخبار بقى - ************************************************** **** 4- النشيد الوطني اللي هم بيقولوه .... بتاع دوله مجهوله ... ونفسي اعرف ايه هي؟؟؟ - طبعا على موسيقا آلات النفخ .... الشيشه - ************************************************** **** 5- في مرحلة طلوعهم الفصول .... بيختلط الحابل بالنابل .... - ياترى انا في فصل ايه النهارده ؟؟؟ - ************************************************** **** بعد المدرسه ما تخلص ... بيرجعو على بيوتهم بنفس الاسلوب .... ونشوف يومهم عامل ازاي دلوقتي
*الطفل الفافي (الهاف لايف) : 1-
يرجع من السكول تكون الداده في استقباله ... وتشيل منه الشنطه ... ويغسل وشه ويغير هدومه - والله العظيم ... وشه انضف من ما كان طالع الصبح أصلا - ######################################### 2- بعد ما اتشطف .... وإتصبّن - الكلمه دي متعوب عليها على فكره - يقعد يلعب بلاي ستيشن لحاد ما يعملو الغدا - الغدا بتاعهم بنشوفه في الأفلام الأمركاني - ######################################### 3- هاني ... دينر از ريدي - السيييم بتاعهم لما يجهز الغدا - ######################################### 4- بعد الغدا ... يشرب كبايه (اورانج جووس) وينام ساعه عشان يعرف يذاكر ويحل الهوم وورك - مش عارف يعني ايه هوم وورك ... بس سمعتها من اختى الصغيرة ######################################### *الطفل البييئه : ! ! 1-
أخينا رجع من المعتقل ... او المدرسه زي مابيقولو عليها ... وهدومه كلها مقطعه وعلامات التعذيب على جسمه ... - تقولوش جاسوس اسرائيلي اتمسك في حلوان - ~~~~~~~~~~~~~~~~~~~~~~~~~~~ 2- امه لسه ماخلصتش الغدا ... - النهارده امه دابحه دكر جبنه بيضه ... واحتمال يكون في فول بالصلصه - ~~~~~~~~~~~~~~~~~~~~~~~~~~~ 3- ترااااادااترااااااااااااااااااااااااا ... - دي اعلان الحرب ... أو الغدا <هجووووووووووم> - ~~~~~~~~~~~~~~~~~~~~~~~~~~~ 4- بعد اكلة الفول بالصلصه ومعاه فحلين بصل ... عادة ما يعقبها احساس بالضياع - تنااااااااحه ... فور آيفير - ~~~~~~~~~~~~~~~~~~~~~~~~~~~ بعد حالة التناحه او النوم دي ... بيجي وقت الشده ... ياترى الحياه معاهم - الطفل الفافي .. والطفل البييئه - عامله ازاي ؟؟؟؟ ~~~~~~~~~~~~~~~~~~~~~~~~~~~ *الطفل الفافي (الهاف لايف) : 1-
يقوم من النوم على صوت الداده ... الهادي طبعا .. عشان يقوم يذاكر
مع المس (فرانكا) ... المدرّسه اللي جايبنهاله من انجلترا - نازله مخصوص ....... بالكاتالوج - _____________________ 2- بعد ما يخلص المذاكره وتحضير دروس تاني يوم .... مامته تاخده النادي عشان يلعب رياضه (باسكت او تنس) و احتمال (سكواش) - مشتركين في نادي المعادي والصيد والشمس ... ده غير سبورتنج في الصيف - _____________________ 3- يرجع من النادي ... ياخد دش ويحضر شنطته وينزل يتفرج على شانل تو - شانل تو بتاعة الام بي سي ... مش بتاعة مصر طبعا - _______________________ 4- على الساعه 10 يقوم عشان ينام .... والداده تحكيله حكايه قبل النوم - سندريللا وسنوو وايت ... مش ابو رجل مسلوخه وامنا الغوله - ____________________________ 5- ينام على صوت الداده وهي بتغنيله اغنيه رومانسيه ... وفي حضنه الدبدوب اللي جاله في عيد ميلاده - ملاك نايم يا اخواتي - _____________________ *الطفل البيييئه : =========== 1-
يفوق من حالة التناحه من الفول والبصل على صوت حد من صحابه ... عشان ينزل يلعب كوره شراب في الخرابه اللي جنب الحاره بتاعتهم -................... نفس بدايات اللاعب- _____________________________________ 2- يرجع بيتهم وهو بيجري وهدومه متقطعه ودماغه واخده بتاع تلاتين قلم على سهوه .... عشان شاط الكوره وكسر القزاز بتاع محل (عم سيد) البقال - الراجل ده من كتر القزاز بتاعه ما اتكسر ... هايفتح مصنع قزاز - ________________________________ 3- اخته جابته عشان يحل الواجب ويذاكر .. بس مامعاهوش قلم ... قام نزل الشارع عشان يجيب قلم - آدي دقني لو جاب ولا حتى رجع من أصله - _________________________ 4- على الساعه 2 الفجر ... باب بيتهم بيخبط .. وامه فتحت الباب شافت جارهم دماغه متعوره وجايب لها المحروس اللي كان بيلعب حرب بالطوب وفتح دماغه - تقولش طفل من أطفال الانتفاضه - ____________________ 5- ساب امه وابوه وهم بيصالحو جارهم وبيبوسو ايده عشان ما يعملوش محضر .... واتسحّب المفعوص على المطبخ جاب حتة جبنه وطماطمايه ورغيف معطن .... وزوغان على السرير - بسلامته نايم وهو متلفح بالبطانيه زي مايكون من مطاريد الجبل
ايقونة القمر عضو فضي
عدد الرسائل : 36 العمر : 34 تاريخ التسجيل : 31/12/2008
موضوع: رد: الفرق بين الطفل البيئة والطفل الهاى كلاس الجمعة يناير 23, 2009 1:27 am
ههههههههههههههههههههههههههههههههههههههههههههههههههههههههههههههههههههههههههههههههههه زين بعد....تحفة نشكرك جزيلا على الموضووع الfunnyده. ولاهي نقولك عن الصور هاذي في الاختلافات بين "الهاي لايف" و "البيئة" موجوودة فكل بلد...بس عموما الانسان مادام ينتمي للمكان اللي عاش واتربى فيه باعتقاادي انو قادر على تجاوز السلبيات. واختلافاتنا هي احلى مميزاتنا
القيصر عضو لا يمكن الإستغناء عنه -- مهم جداً--
عدد الرسائل : 604 العمر : 38 الموقع : ام الامم العمل/الترفيه : حر المزاج : زي الفل تاريخ التسجيل : 10/12/2008
موضوع: رد: الفرق بين الطفل البيئة والطفل الهاى كلاس الجمعة يناير 23, 2009 11:21 pm
موضوع جميل ومضحك فعلا ولكن بنفس الوقت جعلنى احزن قليلا فبالنظر الى هذين الطفلين نرى ان المجتمع هو المحرك الطبيعي لحياتهم واظنهم ايضا صغار على تحدي مجتمعهم ,, وشــــكرا ......
عدد الرسائل : 682 العمر : 33 الموقع : في قلوب اللي بيحبوني !!!! العمل/الترفيه : طاااااااالبة في جامعة قطر للاسف المزاج : لعلـ خيرآآآآآآآآآآآآآآآآآآآآآآآآآآآ تاريخ التسجيل : 14/05/2008
موضوع: رد: الفرق بين الطفل البيئة والطفل الهاى كلاس السبت يناير 24, 2009 5:24 pm
ههههههههه بجد حلو الموضوع بس يا ترى الطفل الهاي ستايل دا هيطلع راجل ؟؟؟؟؟ شكله كده اخته هتطلع ارجل منه بي ولا هيهمه طبعا هيبقى في بودي جاردات وعربيات مش هتفرق معاه هيفضل عايش حياته وممكن يعد في البيت ويسحب الفلوس من البنك والطفل البيئة هو اللي ممشيله الشغل في الشركة بتاعته
ياااااااااااه دنيا
*برنسيسة مصر* عضو لا يمكن الإستغناء عنه -- مهم جداً--
عدد الرسائل : 209 العمر : 32 تاريخ التسجيل : 31/12/2008
موضوع: رد: الفرق بين الطفل البيئة والطفل الهاى كلاس السبت يناير 24, 2009 6:32 pm
هههههههههههههههههههههههههههههه حلوه كأنها طالعه من بق كلب دي
موضوع تحفه بجد ميرسي قمر
عضو فضل الابتعاد عضو لا يمكن الإستغناء عنه -- مهم جداً--
عدد الرسائل : 452 العمر : 31 تاريخ التسجيل : 09/06/2008
موضوع: رد: الفرق بين الطفل البيئة والطفل الهاى كلاس السبت يناير 31, 2009 11:05 pm
ههههههههههه موضوع حلو اوى بس انا باكل كورن فيلكس بلشوكلاته معنتيش تتريئي تانى لو سمحتى هههههههههه
baby girl عضو لا يمكن الإستغناء عنه -- مهم جداً--
عدد الرسائل : 175 العمر : 31 العمل/الترفيه : طالبه ثانوي/السباحه المزاج : هادئه تاريخ التسجيل : 10/06/2008
موضوع: رد: الفرق بين الطفل البيئة والطفل الهاى كلاس الأحد فبراير 01, 2009 4:36 pm
مرسي ليكوا كلكوا
SoSo Admin
عدد الرسائل : 682 العمر : 33 الموقع : في قلوب اللي بيحبوني !!!! العمل/الترفيه : طاااااااالبة في جامعة قطر للاسف المزاج : لعلـ خيرآآآآآآآآآآآآآآآآآآآآآآآآآآآ تاريخ التسجيل : 14/05/2008
موضوع: رد: الفرق بين الطفل البيئة والطفل الهاى كلاس الأحد فبراير 01, 2009 6:06 pm
ههههههههههههه ايه يا سارة هو حد ايه نحيتك ؟ عادي يعني كلي الكورن فليكس اللي تحبيه
زائر زائر
موضوع: رد: الفرق بين الطفل البيئة والطفل الهاى كلاس الثلاثاء فبراير 03, 2009 12:31 pm
فعلا موضوع غاية في الروعة وضحتك لما شبعت
ثانكس
وآسف على الغيبة الطويلة دي بس كنت مسافر
تحياتي لكل الأعضاء
TEMO عضو لا يمكن الإستغناء عنه -- مهم جداً--
عدد الرسائل : 141 العمر : 34 الموقع : my own world العمل/الترفيه : انا اديب المنتدى المزاج : عصبى جدا تاريخ التسجيل : 09/06/2008
موضوع: رد: الفرق بين الطفل البيئة والطفل الهاى كلاس الأربعاء فبراير 11, 2009 9:08 pm
الجمعة يناير 23, 2009 1:00 am
