الصراع مابين الاجيال

يا جماعه انا عايزه اطرح موضوع مهم و هو( الصراع مابين الاجيال) ياريت الـــــــــــمــــــــــشـــــاركــــــه

سارة يا حبيبتي عايزة تتناقشي في الموضوع ده من انهي جهة بالظبط ياريت توضحي اكتر عشان نقدر كلنا نتناقش

يعنى يااسراء كل واحد فينا يقول ايه مشكلة الصراع ده يعنى ليه عدم التفاهم بين الاب وابنه فهمتنى

اوك انتى قصدك من كل الجهات مثلا
1\ الذوق العام
يعنى ذوقنا دايما مختلف عنهم
فى كل شئ فى الاكل الشرب اللبس المكياج الاصحاب المزيكا
2 \التفكير
هما احيانا بيكون كلامهم متناقض!!! صح ولا لا؟
فاكرين اننا مش بنفهم وانهم لازم يفكروا بدالنا
بس بامانه مش كلهم
انا فى عيلتى مثل للاب المتفاهم الكول اللى يحسسك انك صحبته مش بنته
وسبب نجاح علاقة اولاده بيه انه دايما قبل ما يتصرف اى تصرف
بيحط نفسه مكاننا وبيرجع بذاكرته للفولته وبيقدر يحس ايه اللى يفرحنا وايه اللى يزعلنا وايه اللى يحرجنا او يضايقنا
3\ التشبث بالراى ودى سمه معظم اولياء الامور
4\فى بقى حاجه انتى نسياها..........ياترى احنا لو اتجوزنا هنعامل اولادنا زى ما احنا نفسنا يعاملونا دلوقت؟؟؟؟؟؟؟؟؟؟

ساعتها بس هنحس ازاى كانوا اولياء امورنا بيفكروا؟؟؟؟؟؟
5\ انا مش فاهمه ليه هما دايما شايفين انهم صح على طول الخط؟؟؟؟؟؟!!!!!
بس لازم احنا نطلع احسن منهم لما نكبر ونبقى مسئولين من تربيه جيل
وعشان ده يحصل لازم نغير من نفسنا ونقلص عيوبنا شويه
6\ شوفى بقى نتيجه بعض الامثله عملت ايه فى المجتمع محدش دلوقت سره مع والده او والدته احنا دايما سرنا مع بعض (الاصحاب) وهما بنحس اننا فى وادى وهما فى وادى
ده رايي مش عارفه بقى اذا هنكون نسخ منهم بس معدله او modernولا هنقدر ننجح ونطلع جيل معتدل فى التصرفات ولا هيبقوا زينا؟
ربنا يسطر على المستقبل
بس بيتهيئلى ان بلاش نستسلم لازم نحاول نغير من نفسنا ومنهم كمان
!!!!!!!

المزيكا ودى حاجه المفروض ما يستهينوا بيها ودايما يقارنونا بيهم وبزمنهم
انا عايزه افهم الناس القديمه اللى كانت بتغنى الناس كانت مبسوطه بيهم لان مكنش فى غيرهم زمان كان الاختراع اللى واكل الجو هو التليفزيون وقبليه كان الراديو

ومسؤليات الناس كانت اقل والعيشه كانت بسيطه والحياه مكنتش صعبه زى حالا
عشان كده كانو بيحبوا او عندهم وقت يعدوا يسمعو ام كلثوم وغيرها
اوك كلهم فنانين عمالقه!

بس مش زى ما ام كلثوم كانت بتعد تغنى مثلا عن الشوق واللهفه والوحده فى اغنيه مدتها ساعه
احنا عندنا نفس المعنى فلا اغنيه 5 دقايق احنا عصر السرعه والتطور
احنا نقدر نلخص نفس المعانى والاحاسيس بس فى وقت مختصر
لازم هما يفهموا انهم تعبوا وشقيوا معظمنا كانو اهله ناس عاديه محدش اتولد وفى بقه معلقه دهب
احنا بقى اتولدنا لقينا العربيات والموبايلات واللبس والكمبيوتر والنت
وهما بيحاولو مايحسسونا ان ناقصنا حاجه عشان كده احنا معندناش احساس المسوؤليه عالى زيهم لاننا مش تعبانين فى الحياه اللى احنا عايشنها
ودى مش غلطتنا احنا ولابرضوا غلطه مقصوده منهم

بجد عاجبين الرد جدااااااااااااااااا وانتظروا مني رد قريبا