معاكسه!!!!!!!!!!!!!!!!!!!!!

انا من رايي نسمع اراء الولاد الاول وبعدين نعلق ولا ايه ؟؟؟

ما عشان كده انا ماقولتش رأي مستنيه اراء الولاد

اولا \الهدف من الموضوع هو معرفة الاسباب الى بتخلى الولاد او البنا ت من المعاكسه لان بجد الموضوع ده دلوقتى مبئاش مجرد كلمه بيقولها الولد للبنت وخلاص او العكس موضوع كبر ومبئاش كلمه بقى اكتر وممكن يوصل للاعتداء على البنت فى الشارع واظن ان الموضوع محتاج لاهميه اكتر من كده ثانيا\ حكاية ان البنات هيا الى بئت تعاكس اظن ان ده بنسبه قليله اوى وبردو مفيش وجه مقارنه مابين نسبة الولاد الى بتعاكس ونسبة البنات الى بتعاكس ((وبردو ان البنات بتعاكس عشان تتجوز!!!!!!!!!!!!!!))اظن انه مش شى مقنع ان البنت لما تعاكس حد هيتجوزها اكيد فى حاجه تانيه تخليها تعاكس وبصراحه انا مش عارفه الحاجه دي عشان اقولها

انت معاكى حق فعلا وزى ما قولت اكيد مفيش وجه مقارنه ما بين البنات الى بتعاكس والولاد يعنى الولاد بتعاكس من قديم الازل لكن البنات اظن ان دى موضوه وهتعدى زى اى حاجه غر يبه على مجتمعنا الشرقى بتيجى وتروح فى سوانى يعنى مثلا ماظنش ان فى بنت ممكن تتعدى على ولد فى الشارع حتى لو كانت جرأتها ملهاش حدود يعنى من الاخر نرجع ونقول معاكسه الولاد للبنات مش البنات للولاد

يا بنات براحة شويا علينا احنا كدا مظلومين ههههههههههههههه

أولا : مش كل الشباب بيعكسوا ومعنى كدا ان دا مجرد مرض ساري بين بعض الشباب

من أسبابه ان الشاب ده فاضي وثانيا الغريزة غلبة عليه خاصة ان البنات اليوم لبسهم مش كويس
بمعنى ان هم السبب الرئيسي اللي يخلي الشاب يعاكس

وبعدين انتم البنات ليه مستبعدين ان البنت هيا اللي تعاكس مش بعيد خالص

المعاكسة دي وباء في الشباب سواء كان ولد أو بنت فترة المراهقة وبعدين خلاص

دا من وجهة نظري فارس

سورى يا فارس انا معرضاك لان المعاكسه مش مختصرة فى فترة المراهقه وبس للاسف فى رجاله كبار فى السن وبيعكسوا والموضوع مش بسيط زى ما انت بتتكلم لان بجد فى بنات بتتجرح من الاكلام الى بيتقال يعنى مثلا لما بنت محترمهه محجبه ماشيه كويس فى الشارع ويتقال لها تعالى معانا البيت وكل واحد هيدفع 50جنيه ومش احنا بس الى هنستمتع انتى كمان بذمتك الموضوع سعتها يبقى مراهقه وهتعدى وبسيط كده

انا عايزة اوضح حاجه عشان متفهوش غلط طبعا لكل قاعده شواذ يعنى احنا ما بنكلمش على الولاد كلهم بس الاغلبيه منهم احنا دخلين نشوف ايه الى بيجبر الولد يعمل كده وللاسف كل واحد يدخل يقول انا مش بعاكس ربنا يحفظكم !!

أما بالنسبة للبنت المحجبة فالشباب بيعتبر ان ده رداء زايف

بالعكس ان في بنات لبسهم خارج عن الأدب ولو حد كلمهم ولا يعبروه ولو اتجرأ عليها الله يكون في عونه

انا ليا صديق بل هو أفضل صديق عندي من عشاق حاجة اسمها معاكسة بيقول

ان المنقبات أشد خبثا من غيرها وعلى حد قوله ان دي شواذ بس الهدف من كدا ان مش الزي هو اللي بيحدد

أما البنت اللي تعرض لكدا وهي فعلا محترمة انا معاكي ان هيا في امتحان صعب جدا ربنا يعنها ويصبرها بس مجرد ما يعرف الشاب انها محترمة مش ممكن يفكر انه يكلمها مرة تانية

يا رب أكون جاوبت اجابة حلوة وشافية __ فارس __

اولا الرد غير منطقى بلمرة ثانيا يعنى ايه المنقبات اشد خبثا من غيرهم ياريت توضح كلامك اكتر من كده وبعدين اظن ان انت قولت فى الاول(( ان البنات اليوم لبسهم مش كويس
بمعنى ان هم السبب الرئيسي اللي يخلي الشاب يعاكس )) يعنى متفقين ان البنت الى مش محترمه هي الى بتجبر الولد انه يعاكس اشدخل بقى المنقبات والمحجبات فى الموضوع انتو مش عجبكم الى بتلبس وحش وبتقولو انها هيا السبب فى المعاكسه وبردو مش عاجبكم المنقبه الى بتمشي فى حالها انتو عايزين ايه بظبط ؟؟؟؟؟؟؟؟؟؟؟؟؟؟؟؟ ولا ده فضى ومش عارفين تطلعوا على مين !!!!!!!! (احب انا اقول للمرة التانيه كلامى موجه للبيعكسوا عشان محدش يدخل يقول انتو ظالمين الولاد) ومستنيه ردك يا فارس

اولا ياريت متجمعش البنات كلهم ويوم ما تكلم عن المحجبات والمنقبات ياريت فى احترام اكتر لان ده زى شرعى واجب عليه الاحترام والبنات الى منتسبين الى الحجاب وبيعملو حجات تخالف الزى الى لبسينوا دول مش محجبين فياريت متلخبطش الامور ما بين المحجبين والبنات بوجه عام

اولا \احنا كلنا متفقين ان البنت الى مش محترمه هيا الى بتجبر الولد انه يعاكسه ولو حضرتك طلعت فوق شويه فى الردو هتلاقى ان انا وسوسو كاتبين كده يعنى لو رجعت ردودنا تانى اظن انك هتفهم الى احنا كاتبينه اكتر ثانيا \لو احنا منحازين للجنسنا مكناش قلنا
(( ياريت متجمعش البنات كلهم ويوم ما تكلم عن المحجبات والمنقبات ياريت فى احترام اكتر لان ده زى شرعى واجب عليه الاحترام والبنات الى منتسبين الى الحجاب وبيعملو حجات تخالف الزى الى لبسينوا دول مش محجبين فياريت متلخبطش الامور ما بين المحجبين والبنات بوجه عام )) احانا كان كل هجومنا حولين البنات المنقبين والمحجبين الى تفضل الاخ فارس وقال ( ان المنقبات أشد خبثا من غيرها ) هو ده كان نقطه الهجوم الى حضرتك اتكلمت عليها مع انى مش شايفه ان كان فى هجوم والاختلاف فى الرأى لايفسد فى الود قضيه

انا هبتدي ردي من آخر ردك





انت قلت :اضافة بسيطة الولد مش هيتجرا ولا يروح تجاه اى بنت الا اذا بادلته بعض النظرات





متهيالي الجملة دي محتاجة اعادة صياغة وتفكير مع الاحترام





بعدين احنا طبيعي جدا اننا ننحاز وانتوا برضو من الطبيعي انك تنحازوا

بس ارجع واقول ان الموضوع بيتكلم عن











البنت المحترمة اللي بتتعاكس



والولد اللي بيعاكس



بغض النظر عن كل التعليقات

انتوا بجد بتردوا بكل برود وبتحاولوا تجيبوا اللوم علينا في الاخر

متهيالي في حاجة اسمها تحكم في الغريزة وبعد زي ما انت بتقول البنات هيا اللي بتلفت نظرهم بس عند ربنا الاتنين بيتحاسبوا احنا مغلطنكوش ولا كدبناكو يعني كل قصدنا انا احنا نحاول نعرف الاسباب اللي بتأدي للمعاكسة بشكل عام مش نغلطكم ولا نلومكم ومتهيالي الكلام واضح ان احنا منقصدكوش انتوا يعني انتم الله يحفظكم وفعلا تفضلوا متعاكسوش بس احنا بنتكلم ع الظاهرة بشكل عام

عفوا يا أخت سارة كلامك على الراس بس أنا وضحت ان اللي قال الكلام كان واحد زميلي غير كمان انه قال (( دي قاعدة شاذة )) يعني في منهم والكلام ده يدل على ان البنت من حيث اللبس وطريقة المشي في الشارع ونظرتها للي معاها في الشارع هم اللي بيخلو الشباب يعكسو فممكن وحدة محجبة (( مش قاعدة )) يكون ليها نظرات للشباب هم عارفين قصدها وليكن في المعلوم ان في بعض البنات بيتباهوا بان في شاب أو اتنين عاكسها في الطريق

وكمان أحب أضيف اني انا ليه مش بعاكس لسبب في مقولة شهيرة (( كما تدين تدان )) وفي وحدة كمان (( لا يحصد الزارع الا ما زرع )) أظن ان كل فاهم قصدي وانا عمري ما أتكلم عن المنقبات بشكل مش كويس لأن ولدتي منقبة وناس كتير أعرفهم بس اللي احب أكلم عنه شويا كمان هو

الكلام اللي انا قلته هو مجرد نقل للكلام من صديقي لأنه دائما يعاكس بنات وهو اللي فاهم وعارف كويس مين اللي بتلبس الحجاب زينة ويمن لبساه زي شرعي .. زي ما قلت اللبس مش مقياس في جميع الأحوال مع انه واجب على البنات واكيد انتم يا بنات ليكم صديقات مش محجبات بس في غاية الاحترام........................ فارس

مع وافق احترامى لك اخ فارس انت الى بدأت حكايه المنقبات وده الى جعلنى ادخل اهاجم الحكايه دى وياريت لو تسأل صحبك ايه هدفه لما بيعاكس اى بنت ؟؟؟؟ ومستنيه الرد وشكرا لمشاركتكم

آسف جدا يا أخت سارة أعتقد اني صعب جدا أنفذ طلبك الأول مني ودا فعلا شيئ مؤسف

والاجابة على ما أظن موجودة في احدى مواضيعك الحلوة عن الصديق اللي مات وتركني وانا قلت اني فقد أعز أصحابي أو اللي كان .... لم يعد هناك أي وسيلة اتصال بيني وبينه

وأحب أوضح قبل ما أطلع من الموضوع ده ان كان غرضي الوصول معاكم الى نتيجة معينة بس الظاهر ان الموضوع كبير وأكبر مما كنت أتوقع والجدال فيه أكتر من كدا مش رايح يسفر عن أي نتيجة دي مجرد وجهة نظر......................... وفقكم الله

واعتراف أخير ان أسلوبك يا أخت سارة في النقاش راقي جدا مما يدل على شخصيتك ذات الصفات الحميدة والأخلاق الرفيعة

أرجو من الجميع تقبل اعتذاري
وان كنت قد أخطأت فمن نفسي والشيطان والله ورسوله منه براء وان كنت قد وفقت فتلك منة الله علي ................................ فارس .........................

اولا انا اسفه جدا لو كنت فكرتك بصديقك بس صدقنى لو كنت اعرف انه توفى لم اكن اتحدث عنه ؟؟؟ ثانيا \بلنسبه لردك اخ فارس ان ((( قبل ما أطلع من الموضوع ده ان كان غرضي الوصول معاكم الى نتيجة معينة بس الظاهر ان الموضوع كبير وأكبر مما كنت أتوقع والجدال فيه أكتر من كدا مش رايح يسفر عن أي نتيجة دي مجرد وجهة نظر......)))) اظن ان كلنا دخلنا لنعطى نتيجه فى النهايه عن الموضوع ده بس اظهار ان الموضوع قفل على كده وانا كان نفسي ان يكون فى تفاعل اكتر من كده مع احترامى الشديد جدا لكل الى شاركوا بس اظن انهم عدد قليل
وعلى العموم انا هسيب الموضوع مش هقفله((( لعلا خيرا))
ثالثا\ شكرااااااااااااااا لقولك عنى انى((واعتراف أخير ان أسلوبك يا أخت سارة في النقاش راقي جدا مما يدل على شخصيتك ذات الصفات الحميدة والأخلاق الرفيعة))) رابعا \ اعتقد ان كل ما حدث فى هذا الموضوع كان تعبير عن وجهات النظر ليس اكثر فلا داعى للاعتذار اخ فارس والاختلاف فى الراى لا يفسد فى الود قضيه

أولا ميرسي يا حبيبتي علي الموضوع الجميل ده
ثانيا معاكسة الولاد للبنات دي بقت شائعه جدا
في بنات بتعاكس اوك وفي بنات بتخرج عشان تتعاكس برده اوك وفي بنات بتخرج ولا هدفها ده ولا ده واللي بيكلمها بتخليه يعد النجوم في عز الضهر طب ليه الشباب يجيوا الاهانه لنفسهم عشان ايه يعني وحكاية لبس البنات وهيا خارجه ده مش مبدأ خالص أظن أنها بتكون خارجه من بيت أهلها بالمنظر ده ودي حريه شخصيه تلبس اللي هيا عاوزاه ليه نحط اللوم علي البنات ولبسهم والولاد لا

هما أصلا الشباب كده محترمه مش محترمه بيعاكسوها ده مرض عندهم