للحق .. منقول بس جامد

السلام عليكم و رحمة اللة و بركاتة انا اليوم جبتلكم أحلى موضوع فكاهي قرأتة في حياتي
من كتابة الأستاذ يوسف معاطي .... يارب تعجبكم!!! :

في مدينة (ضحكانيا) العملة المتداولة بين الناس هي الضحك... لا قيمة للفلوس ... الضحك هو الفلوس... و النكد في (ضحكانيا) جريمة يعاقب عليها القانون... ويساق المتهمون الي قاعة المحكمة حيث القاضي بشوش الوجة.... و عضوي اليمين و الشمال منفجران في ضحك متواصل... أما المحامي فلا يستطيع أن يمسك نفسة... و لما أصر المتهمون على موقفهم و ضربوا بوز في وجة القاضي حكم عليهم بأقصى العقوبة علقوا من أقدامهم في المساحة العدل... و انهال عليهم جنود (ضحكانيا) العسل ليس بالسياط... وانما بالزغزغة... و من يضحك منهم يخرج في نصف المدة.

ز اذا شاورت لتاكسي في شوارع (ضحكانيا) يجب ان تكون مبتسما... لأن السائق سيقف فوراغ و هو يضحك ويقول لك ..هأ هأ... على فين يا قمر, وسترد علية ضاحكا هأ هأ.. الي تشوفة و سينفجر السائق ضاحكا ... ويقول لك حلوة... اركب... وسيكسر العداد... و هنا ستبدأ انت في دفع الأجرة... ليست نقودا و انما نكاتا... اسمع دي ... بيقولك مرة واحد... و السائق يضحك و يخبط على التابلوة... اللة ... قولها تاني .. قولها تاني ... و ربما قاطعك السائق و هو يدخل محطة البنزين قائلا: ثانية واحدة بس يخرب عقلك...(ضاحكا) ح نمون.. وسيقول لة عامل البنزينة المبتهج... تأخذ قد اية يا أسطى سيرد السائق: أنا معايا عشرين نكتة جداد... تسمع... يقول العامل.. قول.. و يبدأ السائق في القاء نكاتة على عامل البنزينة و اذا لم يكن معة ما يكمل سيميل عليك و يقول لك... بقول اية يا بية...ألاقيش معاك نكتتين ثلاثة فكة؟؟

مشكوره على المرور عزيزتى
لكن دا مجرد تخيل لحياه كلها ضحك
و مافيش زنقة مواصلات ولا تكشيره فى المحلات ولا اى حاجه
و تحياتى ليكي و لكل من ركب التاكسي و ماضحكش