بعد السلام والتحيه عايزه اكلمكو عن شخص مهم جدا بالنسبه ليا وهو الاسكندر الاكبر طبعا مش هطول عليكو واكتبلكو كلام الكتب الغبيه زي-مما لا شك فيه ان الاسكندر شخصيه عظيمه ولقد لمست مصر فيه الحنان والخوف على الرعايا ولقد ولد في.....وتربى في اسره فاضله ومسك الحكم صغير ..............................والحوارات الفاشله دي.
هكلمكو عن حاجات اهم بخصوص الاسكندر اولا(1)عايزه اثبت وجهه نظري في انه ليس المشار اليه في القران الكريم بذا القرنين ثانيا(2) وده الاهم عايزه اكلمكو عن مقبرته..........
كلنا فاكرين ان الاسكندر هو الشخص المشار اليه في القران بذا القرنين لانه وصل لمشارق الارض ومغاربها ولكن يا جماعه تعالو ندرس شخصيه الاسكندر هو اصلا كان وثني ده اولا ثانيا وده الاهم ان اخلاقه كانت تتسم بالانحلال من الاخر كان gay-عدم المؤاخذه-وبصراحه تعالو نشغل عقلنا من غير البديهي والمعقول ان الله عز وجل يكتب في القران الكريم عن شخص بالمواصفات الجميله دي ده بالنسبه لاولا
,بصراحه بالرغم من صفاته دي بس انا شخصيا بحترمه جدا لانه يتمتع بدهاء وذكاء غير عاديين كفايه ان مسك اعظم امبراطوريه وهو حتت شاب صغير وقدر يكبرها ويخضع كل قواته ليه....
اما بالنسبه لمقبرته فعندي نظريه جديده طبعا كلنا اخدنا في كتب التاريخ المدرسيه المتخلفه ان الاسكندر مات محموم وكان في الهند وجاتله الملاريا والحوار الفاشل ده بالرغم من ان وزير الاثار دكتور زاهي حواس اعلن انه مات مسموم بس يلا هيه جت ع الغلطه دي في كتاب الوزاره.....
والدلائل على انه مات مسموم الاتي,اولا انه قواد جيش الاسكندر قرروا التخلص منه لتقسيم الامبراطوريه اليونانيه فيما بينهم فتامرو مع طبيب الاسكندر على دس السم له في الدواء وفعلا وافق طبيبه على ذللك ووصل خطاب سري للاسكندر يبلغه احد ما بان طبيبه سيحاول قتله بالسم ولكن الاسكندر اسهزأ بذللك لشده ثقته في الطبيب وفيه كتب كتيره تناقلت هذا الخطاب الذي اعتبر على انه اشاعه
ثانيا ان احد اباطره اليونان عندما زار جثمان الاسكندر لمس وجهه ليتبارك به_زي عندنا لما نروح للسيده والحسيني_ولكن سقطت ارنبه انفه(مقدمه الانف)بالرغم من ان جثته محنطه بدقه وسقوط اجزاء من الجثمان المحنط دليل على وجود السم في الجسم..........والله اعلم
المره الجايه هكلمكو عن مكان مقبره الاسكندر والكنوز المحتمل انها تكون فيها
تشاااااااااااااو....